گئے موسم میں جو کھلتے تھے گلابوں کی طرح Poet: Parveen Shakir
گئے موسم میں جو کھلتے تھے گلابوں کی طرح
دل پہ اتریں گے وہی خواب عذابوں کی طرح
راکھ کے ڈھیر پہ اب رات بسر کرنی ہے
جل چکے ہیں مرے خیمے مرے خوابوں کی طرح
ساعت دید کہ عارض ہیں گلابی اب تک
اولیں لمحوں کے گلنار حجابوں کی طرح
وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح
غیر ممکن ہے ترے گھر کے گلابوں کا شمار
میرے رستے ہوئے زخموں کے حسابوں کی طرح
یاد تو ہوں گی وہ باتیں تجھے اب بھی لیکن
شیلف میں رکھی ہوئی بند کتابوں کی طرح
کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح
شوخ ہو جاتی ہے اب بھی تری آنکھوں کی چمک
گاہے گاہے ترے دلچسپ جوابوں کی طرح
ہجر کی شب مری تنہائی پہ دستک دے گی
تیری خوش بو مرے کھوئے ہوئے خوابوں کی طرح
Categories: English Poetry, Picture Poetry, shyari/poetry Tags: novels, online urdu stories, Picture Poetry, Urdu, UrduBooks
اس کا نقشہ ایک بے ترتیب افسانے کا تھا Poet: Munir Niazi
اس کا نقشہ ایک بے ترتیب افسانے کا تھا
یہ تماشا تھا یا کوئی خواب دیوانے کا تھا
سارے کرداروں میں بے رشتہ تعلق تھا کوئی
ان کی بے ہوشی میں غم سا ہوش آ جانے کا تھا
عشق کیا ہم نے کیا آوارگی کے عہد میں
اک جتن بے چینیوں سے دل کو بہلانے کا تھا
خواہشیں ہیں گھر سے باہر دور جانے کی بہت
شوق لیکن دل میں واپس لوٹ کر آنے کا تھا
لے گیا دل کو جو اس محفل کی شب میں اے منیرؔ
اس حسیں کا بزم میں انداز شرمانے کا تھا
Categories: English Poetry, Picture Poetry, shyari/poetry, Urdu Poetry Tags: online urdu stories, Picture Poetry, PicturePoetry, poems
اور تو کوئی بس نہ چلے گا ہجر کے درد کے ماروں کا Poet: Ibn e Insha
اور تو کوئی بس نہ چلے گا ہجر کے درد کے ماروں کا
صبح کا ہونا دوبھر کر دیں رستہ روک ستاروں کا
جھوٹے سکوں میں بھی اٹھا دیتے ہیں یہ اکثر سچا مال
شکلیں دیکھ کے سودے کرنا کام ہے ان بنجاروں کا
اپنی زباں سے کچھ نہ کہیں گے چپ ہی رہیں گے عاشق لوگ
تم سے تو اتنا ہو سکتا ہے پوچھو حال بیچاروں کا
جس جپسی کا ذکر ہے تم سے دل کو اسی کی کھوج رہی
یوں تو ہمارے شہر میں اکثر میلا لگا نگاروں کا
ایک ذرا سی بات تھی جس کا چرچا پہنچا گلی گلی
ہم گمناموں نے پھر بھی احسان نہ مانا یاروں کا
درد کا کہنا چیخ ہی اٹھو دل کا کہنا وضع نبھاؤ
سب کچھ سہنا چپ چپ رہنا کام ہے عزت داروں کا
انشاؔ جی اب اجنبیوں میں چین سے باقی عمر کٹے
جن کی خاطر بستی چھوڑی نام نہ لو ان پیاروں کا
Categories: English Poetry, Picture Poetry, shyari/poetry, Urdu Poetry Tags: novels, online urdu stories, Picture Poetry, u, Urdu, UrduBooks
Categories: Picture Poetry, shyari/poetry, Urdu Poetry Tags: Picture Poetry, UrduPoetry
Categories: Picture Poetry, shyari/poetry, Urdu Poetry Tags: Picture Poetry, Urdu, UrduPoetry
Categories: Picture Poetry, shyari/poetry, Urdu Poetry Tags: Picture Poetry
Categories: Picture Poetry, shyari/poetry, Urdu Poetry Tags: Picture Poetry, UrduPoetry
Categories: Picture Poetry, shyari/poetry Tags: Picture Poetry, UrduPoetry
Categories: Picture Poetry, shyari/poetry, Urdu Poetry Tags: Picture Poetry, UrduPoetry
Categories: English Poetry, Picture Poetry, shyari/poetry, Urdu Poetry Tags: Picture Poetry